Bakıda İslam İnkişaf Bankı (İİB) Qrupunun 51-ci illik toplantıları çərçivəsində "HELF/AZHAB Forum 2026" təşkil olunacaq. Tədbir "Davamlı regional inteqrasiya üçün halal iqtisadiyyat" mövzusuna həsr olunub.
Kiçik və Orta Biznesin İnkişafı Agentliyi (KOBİA) bildirib ki, forum iyunun 16-da Özəl Sektor Forumu (PSF 2026) daxilində keçiriləcək. HELF və AZHAB Forumunun güclü tərəflərini birləşdirən tədbir qlobal halal iqtisadiyyatın gələcəyi üçün dialoq platforması yaradacaq.
Forumda yüksəksəviyyəli dövlət rəsmiləri, siyasətçilər, sənaye liderləri, maliyyə institutları və investorlar iştirak edəcək. Müzakirələr etik halal biznes modelləri, davamlılıq və yaşıl keçid, innovasiya və regional iqtisadi inteqrasiyanı əhatə edəcək.
Panel müzakirələri arasında "Strateji liderlik dialoqu", "Halal sənayesinin liderləri", "Halal KOB-lar və davamlılıq" və "Halal sənaye zonaları" yer alır. Həmçinin Nazirlər Sessiyası keçiriləcək.
Forum İİB-in Kuala Lumpur Mükəmməllik Mərkəzi, AZHAB Forum, Malayziyanın HDC və Səudiyyə Ərəbistanının HPDC əməkdaşlığı ilə təşkil olunur. Ətraflı məlumat üçün www.azhabforum.az saytına daxil olun.
