Azərbaycan Mərkəzi Bankı (AMB) "Bank Respublika" ASC-də qanun pozuntusu aşkarlayıb.
AMB-nin yaydığı məlumata görə, müştəri köçürmələri və inkasso sərəncamlarının icrası zamanı "Ödəniş əməliyyatlarının aparılmasına və ödəniş alətlərinə dair Qayda"nın tələbləri pozulub.
Bu səbəbdən, "Banklar haqqında" qanunun 47-ci maddəsinə əsasən, AMB banka gələcəkdə bu halların təkrarlanmaması üçün daxili nəzarət sistemlərini gücləndirmək və məsul şəxslər barədə qanunvericiliyə uyğun tədbirlər görmək barədə məcburi sərəncam verib.
