Bakı Enerji Həftəsində Azərbaycan üçün 7-ci Dayanıqlı İnkişaf Məqsədi üzrə yol xəritəsi rəsmi olaraq işə salınıb.
BMT baş katibinin müavini Armida Salsia Aliscahbananın videomüraciətində qeyd edilib ki, sənəd enerji səmərəliliyinin artırılması, elektromobilliyin təşviqi və Azərbaycanın 'yaşıl enerji' üzrə regional hab kimi rolunun gücləndirilməsini əhatə edir.
Mərkəzi Asiya bərpaolunan enerji, o cümlədən günəş, külək və hidroenergetika üzrə əhəmiyyətli resurslara malikdir.
Regionda enerji transformasiyasını sürətləndirmək üçün investisiyaların artırılması, elektrik şəbəkəsinin modernləşdirilməsi və transsərhəd elektrik enerjisi mübadiləsinin genişləndirilməsi vacibdir.
