Azərbaycanda rəqəmsal maliyyə ekosisteminin inkişafı üçün yeni imkanlar yaranıb. Bu imkanlar açıq bankçılıq, ani ödəniş sistemi, AzQR infrastrukturu, sandbox rejimi və Maliyyə İnklüzivliyi Dövlət Proqramı ilə bağlıdır.
Bu fikirləri Azərbaycan Fintex Assosiasiyasının sədri Edqar Abdullayev Bakıda keçirilən tədbirdə deyib. O vurğulayıb ki, prioritet təkcə rəqəmsallaşma deyil.
“Məqsədimiz banklar, fintexlər, tənzimləyicilər arasında güclü əməkdaşlıq mühiti formalaşdırmaq, innovasiyaları təhlükəsizliklə uzlaşdırmaqdır”, – deyə o qeyd edib.
Edqar Abdullayev fintexlərin bankların rəqibi olmadığını bildirib: “Biz fintexlər bankların innovasiya tərəfdaşlarıyıq. Güclü bank sektoru olmadan güclü fintex ekosistemi formalaşa bilməz. Azərbaycanın uğuru bu tərəfdaşlığın güclənməsindən keçir”.
