Azərbaycanda innovasiya və elmi-tədqiqat xərclərinin 250 faizi vergidən çıxılacaq. Bu dəyişiklik Vergi Məcəlləsinə təklif edilən layihədə öz əksini tapıb.
Yeni qaydaya əsasən, vergi ödəyiciləri innovasiya məhsulu hazırlamaq üçün çəkdiyi xərclərin 2.5 mislini (250 faiz) vergitutulan gəlirdən çıxa biləcək. Bu, startap şəhadətnaməsi almış şəxslər, texnologiya parklarının rezidentləri və ali təhsil müəssisələri üçün də keçərlidir.
Xərclərə işçi əməkhaqqı, sığorta haqları, sınaq materialları, sertifikatlaşdırma xidmətləri və avadanlıq amortizasiyası daxildir. Qarşılıqlı asılı şəxslər arasında əməliyyatlarda 1.5 əmsalı tətbiq olunmur.
