Prezident İlham Əliyevin təsdiqlədiyi "Kənd təsərrüfatı, balıqçılıq və akvakultura məhsullarının istehsalı və emalı sahələrinin inkişafına dair 2026-2030-cu illər üçün Dövlət Proqramı"nda suvarma və konsolidasiya məsələləri ön plandadır.
Bu barədə Oxu.Az-a açıqlamasında Kənd Təsərrüfatı Nazirliyi yanında İctimai Şura sədrinin müavini Emin Əliyev bildirib.
Onun sözlərinə görə, Azərbaycanda torpaq çatışmazlığından daha çox, parçalanmış və səmərəsiz istifadə olunan torpaqlar problemi həll olunmalıdır.
Proqramda əsas istiqamətlər: müasir suvarma sistemləri, torpaqların birləşdirilməsi, qapalı şəbəkələr və təsərrüfatların böyüdülməsidir. Əliyev qeyd edib ki, kənd təsərrüfatı torpaqlarının 60%-i istifadəyə yararsızdır. Kiçik təsərrüfatlarda texnologiya tətbiqi və yüksək məhsuldarlıq çətindir. Konsolidasiya inqilabi dönüş ola bilər.
