Bakıda keçirilən İslam İnkişaf Bankı (İİB) Qrupunun 51-ci İllik Toplantıları çərçivəsində təşkil olunan "İslam İnkişaf Bankı Qrupunun 5-ci Startaplar və İnnovasiya Təqdimat Müsabiqəsi 2026" başa çatıb.
Oxu.Az-a istinadən xəbər verilir ki, bu barədə Kiçik və Orta Biznesin İnkişafı Agentliyi (KOBİA) məlumat yayıb.
Müsabiqə "İİB bazarlarında innovasiya, süni intellekt, maliyyə, ticarət və sahibkarlığın gücləndirilməsi" mövzusu altında keçirilib. İyunun 17-də Bakı Konqres Mərkəzində finala çıxan 12 startap layihələrini təqdim edib.
Qaliblər iyunun 18-də elan olunub. Birinci yer "BioSell"ə (5 000 ABŞ dolları), ikinci yer "Bayuti"yə (4 000 ABŞ dolları), üçüncü yer isə "Park Hub"a (3 000 ABŞ dolları) verilib. Həmçinin 6 startap xüsusi mükafatlara layiq görülüb.
KOBİA-nın tərəfdaşlığı ilə keçirilən müsabiqəyə Azərbaycandan 220-dən çox müraciət daxil olub.
