Milli Məclisin komitələrində Torpaq Məcəlləsinə dəyişiklik layihəsi müzakirə edilib.
Yeni qanun layihəsinə əsasən, kənd təsərrüfatı təyinatlı torpaqların konsolidasiyası həyata keçiriləcək. Bu, torpaq mülkiyyətçilərinin razılığı və ekvivalent bazar dəyəri əsasında torpaq sahələrinin birləşdirilməsi, bölünməsi, sərhədlərinin yenidən müəyyən edilməsi prosesidir.
Konsolidasiya nəticəsində torpaq sahələri üzərində mülkiyyət hüquqları yenidən rəsmiləşdiriləcək. Həmçinin suvarma, meliorasiya, yol, enerji kimi infrastruktura dəyişikliklər ediləcək.
Konsolidasiya layihəsi komissiya tərəfindən təsdiq ediləcək. Torpaq mülkiyyətçiləri bazar qiymətində azalma olarsa, kompensasiya alacaqlar.
