İstanbul, İzmir, İğdır və Qarsda Azərbaycan, o cümlədən Naxçıvanın investisiya və ixrac imkanları təqdim edilib.
Tədbirlərdə iqtisadi əməkdaşlığın inkişafı müzakirə olunub.
Azərbaycan nümayəndə heyəti Türkiyəyə səfər çərçivəsində bir sıra görüşlər keçirib.
İstanbul valisi Davut Gül və İzmir vali müavini Nüsret Şahin ilə görüşlərdə əməkdaşlığın perspektivləri müzakirə olunub.
Həmçinin sənaye palatalarının rəhbərləri ilə görüşlər keçirilib.
"Azərbaycanın investisiya imkanları: Naxçıvan bölgəsinin strateji potensialı" mövzusunda məlumatlandırıcı tədbirlər təşkil olunub.
Naxçıvan iqtisadiyyat naziri Kazım Hüseynəliyev və ticarət nümayəndəsi Tamerlan Tağıyev investorlar üçün güzəştlər barədə məlumat veriblər.
Zəngəzur dəhlizi və yeni logistika potensialının iqtisadi inkişafa töhfə verəcəyi qeyd edilib.
İğdır və Qarsda da görüşlər keçirilib, investisiya imkanları təqdim olunub.
Türk iş adamları ilə əməkdaşlıq perspektivləri müzakirə edilib, suallar cavablandırılıb.
