Qarabağ suvarma kanalının yenidən qurulması üçün texniki-iqtisadi əsaslandırma və layihə-smeta sənədlərinin hazırlanması işlərinə başlanılıb.
Oxu.Az-ın məlumatına görə, bununla bağlı Su və Meliorasiya Kompleksinin Layihələndirilməsi İnstitutu tender elan edib.
İnstitut layihə çərçivəsində PT (Standard Penetration Test) sınaqlarının aparılması xidməti satın alacaq.
Görüləcək işlər üçün ümumilikdə 94 min 400 manat ödəmə planlaşdırılır.
Qarabağ Suvarma Kanalı ölkənin ən böyük magistral suvarma kanalıdır. O, Qarabağ zonası və ona yaxın ərazilərdə yerləşən 9 rayonun 115 min hektaradək əkin sahəsini suvarma suyu, yaşayış məntəqələrini isə məişət suyu ilə təmin edir.
Prezident İlham Əliyev 15 aprel 2024-cü ildə 'Qarabağ suvarma kanalının yenidən qurulması ilə bağlı tədbirlər haqqında' Sərəncam imzalayıb.
