Azərbaycanda qurbanlıq qoyunların qiyməti artıb. Paytaxt bazarlarında ən ucuz qurbanlıq 300 manatdan başlayır.
Ötən il 250-280 manat olan minimal qiymət bu il 300-340 manata yüksəlib. Diri çəki ilə kiloqramı 9.50-11 manat arasında dəyişir.
Bölgələrdə qiymətlər daha ucuzdur. Fərdi təsərrüfatlardan erkək quzuları 250-270 manata almaq olar. Lakin ötən illə müqayisədə rayonlarda da bahalaşma var.
Satıcılar bildirir ki, qiymət artımı fonunda alıcılıq qabiliyyəti və tələbat azalıb.
