Maliyyə naziri Sahil Babayev AzTV və AZƏRTAC-a müsahibəsində sahibkarlar üçün əhəmiyyətli açıqlamalar verib.
Nazir bildirib ki, dövlət maliyyə bazarlarının fəal iştirakçısıdır və büdcə gəlir-xərclərini tənzimləmək üçün sərbəst vəsaitləri investisiya edir, kəsiri örtmək üçün borclanır.
Geosiyasi çağırışlar maliyyə bazarlarına təsir edir, faiz xərclərini artırır və müəyyən çətinliklər yaradır.
Üçüncü istiqamət olaraq, real sektora ən böyük təsirin qeyri-neft ixracı ilə bağlı olacağı vurğulanıb. Körfəz ölkələri və MDB məkanı qeyri-neft ixracında mühüm rol oynayır.
Logistik zəncirlərdə problemlər qeyri-neft ixracına mənfi təsir göstərəcək, xərcləri artıracaq və bəzi bazarlara çıxışı məhdudlaşdıracaq.
Nazir qeyd edib ki, növbəti dövrlərdə makro səviyyədə qiymətləndirmələr hökumətə təqdim ediləcək və çağırışların minimallaşdırılması üçün planlar müəyyən ediləcək.
