Energetika nazirinin müavini Elnur Soltanov bildirib ki, SOCAR artıq yalnız neft və qaz hasil edən deyil, bacarıq ixrac edən şirkətə çevrilir.
Bakıda keçirilən "Technovation" Forumunda çıxış edən Soltanov qeyd edib ki, 2020-2025-ci illərdə Azərbaycanda təbii qaz hasilatı əhəmiyyətli artıb, lakin yaxın gələcəkdə belə kəskin artım gözlənilmir.
"SOCAR sovet dövründə formalaşsa da, maliyyə və texnologiya baxımından xarici dəstəyə arxalanırdı. İndi isə şirkət Gürcüstan, Türkiyə və İtaliya da daxil olmaqla Avropada dəyər zəncirinə inteqrasiya olunur", - deyə o bildirib.
Nazir müavini vurğulayıb: "SOCAR artıq bilik, idarəetmə və texnoloji kompetensiyaları ixrac edir. Bu, iqtisadi inkişafın ən mühüm göstəricisidir - insan kapitalındakı bacarıqları qlobal bazarda sata bilmək".
