Mayın 13-də Lənkəran Dövlət Universitetində SOCAR nümayəndələrinin iştirakı ilə seminar keçirilib.
Tədbir ümummilli lider Heydər Əliyevin 103-cü ildönümünə həsr olunub və "Azərbaycanın yeni enerji strategiyası: rəqəmsal transformasiya və insan kapitalı" mövzusunu əhatə edib.
Seminar çərçivəsində "Əsrin müqaviləsi", "Şahdəniz", Bakı-Tbilisi-Ceyhan və Cənub Qaz Dəhlizi kimi strateji layihələr, rəqəmsal həllər və insan kapitalının inkişafı müzakirə olunub.
Həmçinin, Heydər Əliyevin həyatından bəhs edən "İz" sənədli filmi nümayiş etdirilib.
