SOCAR metan emissiyalarının idarə olunması və azaldılmasını əsas hədəf olaraq müəyyənləşdirib. Bu barədə SOCAR-ın vitse-prezidentinin müavini Hikmət Abdullayev 31-ci Beynəlxalq Xəzər Neft və Qaz sərgisində panel müzakirəsində bildirib.
Abdullayev qeyd edib ki, son vaxtlar bu istiqamətə xüsusi diqqət yetirilir: "Hazırda metan emissiyalarının azaldılması üçün müasir texnologiyaların köməyi ilə tətbiq ediləcək alətlər və metodologiyalar müəyyən etmişik."
O əlavə edib ki, qaz sızmalarının aşkarlanması və aradan qaldırılması metan emissiyalarının azaldılmasında ən effektiv və sürətli nəticə verən istiqamətlərdəndir: "Bu tədbirlər adətən daha sadə olur və həm əməliyyat, həm də kommersiya baxımından səmərəlidir."
