2025-ci ildə Azərbaycanda tikinti sektoru 0,4% kiçilib. İlin əvvəlində 4,8% artım proqnozlaşdırılsa da, sonra bu göstərici 7,9%-ə yüksəldilmişdi.
Hesablama Palatasının "2025-ci il dövlət büdcəsinin icrası" haqqında qanun layihəsinə verdiyi rəydə bildirilir ki, tikinti sektoru gözləntiləri doğrultmayıb.
Qeyri-neft-qaz sektorunda 2,7% artım qeydə alınıb. Buna əsas töhfə nəqliyyat və ticarət sahələrindən gəlib.
Tikinti sektoru isə qeyri-neft-qaz iqtisadiyyatında azalmanın müşahidə edildiyi əsas sahələrdən biri olub.
2022-2025-ci illərdə tikinti sektoru orta hesabla 9,6% artsa da, 2025-ci ildəki geriləmə əvvəlki müsbət dinamikadan fərqlənir.
