BMT-nin Ümumdünya Şəhərsalma Forumunun 13-cü sessiyası (WUF13) çərçivəsində KOBİA-nın təşkilatçılığı ilə "Kiçik və orta bizneslərin dayanıqlı, inklüziv və davamlı şəhərlərin qurulmasında əsas iştirakçı kimi rolunun gücləndirilməsi" mövzusunda panel müzakirəsi keçirilib.
Tədbirdə dövlət qurumları, beynəlxalq təşkilatlar, sahibkarlar və şəhərsalma mütəxəssisləri iştirak ediblər.
Məqsəd KOB-ların dayanıqlı şəhər inkişafında rolunun gücləndirilməsi və inklüziv şəhər mühitlərinin formalaşdırılmasıdır.
Çıxışlarda KOB-ların innovasiya, yaşıl texnologiyalar və dairəvi iqtisadiyyat vasitəsilə şəhərlərin dayanıqlılığına töhfəsi vurğulanıb.
Maliyyə resurslarına çıxış, institusional dəstək və beynəlxalq əməkdaşlığın artırılması zəruri istiqamətlər kimi qeyd olunub.
