Prezidentin Ağdam, Füzuli və Xocavənd rayonlarında xüsusi nümayəndəsi Emin Hüseynov WUF13 çərçivəsində jurnalistlərə açıqlamasında yeni məlumatları paylaşıb.
Onun sözlərinə görə, işğaldan azad olunmuş rayonlara son beş ildə 13 700 nəfər köçürülüb. Hazırda həmin bölgədə 50 mindən çox insan yaşayır və çalışır.
2026-cı ilin sonuna qədər daha 30 min vətəndaşın doğma torpaqlarına qayıdışı planlaşdırılır. Bu, böyük miqyaslı bir layihədir.
