Politoloq Rəşad Bayramov Oxu.Az-a açıqlamasında ABŞ və İran arasında İsveçrədə keçirilən sülh danışıqlarını şərh edib. O, bu görüşün Yaxın Şərqdə yeni diplomatik mərhələnin başlanğıcı olduğunu bildirib.
Bayramov qeyd edib ki, görüşdə 60 gün ərzində yekun razılaşma üçün yol xəritəsi razılaşdırılıb. Həmçinin Hörmüz boğazında təhlükəsiz keçid üçün rabitə xətti yaradılıb və Livanda atəşkəsə nəzarət qrupu təsis olunub.
Analitik vurğulayıb ki, ən böyük problem tərəflər arasında dərin etimadsızlıqdır. ABŞ İranın öhdəliklərinə güvənmir, İran isə Vaşinqtonun razılaşmadan çəkilməyəcəyinə təminat axtarır. İsrailin mövqeyi də danışıqlara təzyiq göstərir.
Bayramov hesab edir ki, davamlı sülh üçün qarşılıqlı etimad, regional aktorların mövqeləri və uzunmüddətli siyasi iradə əsas şərtdir.
