ABŞ-nin müxtəlif ştat və şəhərləri 28 May - Müstəqillik Günü münasibətilə bəyannamə imzalayıb.
Hyuston, Vaşinqton, Oyl-Siti, Hallandeyl-Biç, Mayami şəhərləri, Merilend ştatı və Nyu-York Ştat Assambleyası bu sənədləri qəbul edib.
Bəyannamələrdə Azərbaycanın 1918-ci ildə Şərqdə və müsəlman dünyasında ilk demokratik parlament respublikası qurduğu vurğulanır.
Qadınlara səsvermə hüququnun erkən verilməsi, demokratik dəyərlər və parlamentçilik ənənələri xüsusi qeyd olunur.
Həmçinin ABŞ ilə Azərbaycan arasında diplomatik, strateji, enerji, mədəni və təhsil sahələrində əməkdaşlıq, ABŞ-də yaşayan azərbaycanlı icmasının töhfələri vurğulanır.
