Ukraynanın İrpen şəhərinin meri Anjela Makeyeva Azərbaycan Prezidenti İlham Əliyevə və hökumətə təşəkkür edib. O, WUF13-də Ukrayna pavilyonunda çıxış edərək Bakının İrpenə humanitar dəstəyini vurğulayıb.
Makeyeva bildirib ki, İrpen və Laçın qardaşlaşmış şəhərlərdir. Hər iki şəhər işğal və müharibə yaşayıb, indi bərpa olunur. Bu dostluq əlaqələri çox əhəmiyyətlidir.
O, Azərbaycanın dəstəyinə görə Prezident İlham Əliyevə təşəkkür edib. İrpendə Zərifə Əliyeva adına küçə, park, abidə və məktəb var. Məktəb Azərbaycan hökuməti və SOCAR-ın dəstəyi ilə bərpa olunub.
Makeyeva vurğulayıb ki, İrpen sakinləri Azərbaycan xalqını qardaş hesab edir.
