İyunun 13-də xarici işlər naziri Ceyhun Bayramov ABŞ Beynəlxalq İnkişaf Maliyyə Korporasiyasının (DFC) baş icraçı direktoru Ben Bleklə görüşüb. Görüşdə Azərbaycan-ABŞ əməkdaşlığının perspektivləri müzakirə edilib.
Enerji, nəqliyyat-tranzit, yüksək texnologiyalar və investisiya imkanları diqqət mərkəzində olub. Azərbaycanın Avropa ilə Mərkəzi Asiya arasında strateji rolu vurğulanıb.
Tərəflər 2025-ci il Vaşinqton sammitinin əhəmiyyətini qeyd edib, Strateji Tərəfdaşlıq Xartiyası çərçivəsində əməkdaşlığın dərinləşdirilməsini müzakirə ediblər.
TRIPP layihəsi çərçivəsində Azərbaycanın əsas hissəsi ilə Naxçıvan arasında maneəsiz bağlantı təmin ediləcək. Görüşdə qarşılıqlı maraq doğuran digər məsələlər də nəzərdən keçirilib.
