Zəngilanın strateji logistika mərkəzinə çevrilməsi Azərbaycanın postmünaqişə dövründə ən mühüm geoiqtisadi layihələrindəndir.
Oxu.Az Baku TV-yə istinadən xəbər verir ki, azad edilmiş ərazilərdə bərpa və yenidənqurma işləri təkcə infrastrukturu bərpa etmir, həm də regionun gələcək iqtisadi və logistika xəritəsini formalaşdırır.
Zəngilanın coğrafi mövqeyi ona Şərq-Qərb və Şimal-Cənub dəhlizlərinin kəsişməsində tranzit üstünlüyü verir.
Əsas diqqət Zəngəzur dəhlizinin açılması, dəmir yolu infrastrukturu və beynəlxalq marşrutların inteqrasiyasına yönəlib. Bu layihələr Azərbaycanın Avrasiya nəqliyyat habına çevrilməsi strategiyasının tərkib hissəsidir.
Azərbaycanın siyasəti uzunmüddətli strateji inkişafa əsaslanır: məqsəd regionu müasir iqtisadi və nəqliyyat sisteminə inteqrasiya etməkdir.
Bu yanaşma Zəngilanın yaxın illərdə Cənubi Qafqazın mühüm logistika və ticarət mərkəzi olması perspektivini gücləndirir.
