İyunun 11-də Bakıda Azərbaycan və Tailand Xarici İşlər Nazirlikləri arasında ilk konsulluq məsləhətləşmələri keçirilib.
XİN-in məlumatına görə, Azərbaycan nümayəndə heyətinə Konsulluq idarəsinin rəisi Emil Səfərov, Tailand nümayəndə heyətinə isə Konsulluq məsələləri departamentinin baş direktoru Munqkorn Pratoomkaev rəhbərlik edib.
Məsləhətləşmələrdə ikitərəfli konsulluq əməkdaşlığının vəziyyəti, müqavilə-hüquq bazasının genişləndirilməsi, yeni mexanizmlərin formalaşdırılması müzakirə olunub.
Tərəflər böhran vəziyyətlərində vətəndaşların təxliyəsi və konsulluq yardımı təcrübələrini, həmçinin konsulluq xidmətlərinin rəqəmsallaşdırılması istiqamətində fikir mübadiləsi aparıblar.
