Prezident İlham Əliyev Tullantıların idarə edilməsinin təkmilləşdirilməsi sahəsində əlavə tədbirlər haqqında Fərman imzalayıb.
Oxu.Az-ın xəbərinə görə, Fərmana əsasən, Ekologiya və Təbii Sərvətlər Nazirliyi yanında Tullantıların İdarə Edilməsi üzrə Dövlət Agentliyi yaradılır.
Agentlik tullantıların əmələ gəlməsi, yığılması, daşınması, emalı və basdırılması kimi proseslərə nəzarət edəcək. O, eyni zamanda tullantı haqlarının toplanmasını tənzimləyəcək.
Nazirlər Kabinetinə iki ay ərzində Agentliyin əsasnaməsi və strukturunun layihələrini hazırlamaq tapşırılıb. Dörd ay ərzində isə tullantılar haqqında qanunvericiliyin təkmilləşdirilməsi təklifləri verilməlidir.
Beş ay müddətində isə 2027-2030-cu illər üçün Milli Strategiya layihəsi hazırlanacaq.
