Baş nazir Əli Əsədov V Daşkənd Beynəlxalq İnvestisiya Forumunda çıxış edib. O, Azərbaycanın ardıcıl olaraq açıq iqtisadiyyat və sahibkarlıq fəaliyyətinin təşviqi siyasətini həyata keçirdiyini bildirib.
Son 20 ildə ölkə iqtisadiyyatına 350 milyard dollardan çox investisiya yatırılıb. Bunun demək olar ki, yarısı xarici investisiyalardır.
Müasir qanunvericilik bazası investor hüquqlarının müdafiəsini, investisiyaların toxunulmazlığını, kapitalın sərbəst hərəkətini təmin edir. Azərbaycanın coğrafi mövqeyi Avrasiyanın əsas nəqliyyat marşrutlarının kəsişməsində yerləşir.
Yaşıl enerji də investisiyalar üçün perspektivli sahədir. Ölkə günəş və külək enerjisi layihələrini həyata keçirir, beynəlxalq şirkətləri cəlb edir.
