Türkiyə Prezidenti Administrasiyasının İctimaiyyətlə Əlaqələr Departamentinin rəhbəri Burhanettin Duran Azərbaycanın Milli Qurtuluş Günü münasibətilə təbrik paylaşımı edib.
O, "X" sosial şəbəkəsində yazıb: "Qardaş və dost ölkə can Azərbaycanın Milli Qurtuluş Gününü ən səmimi duyğularımla təbrik edirəm".
Duran vurğulayıb ki, bu gün Azərbaycan xalqının birlik və həmrəylik içində öz gələcəyinə sahib çıxdığı güclü iradənin rəmzidir: "Sevinci və kədəri bölüşən Türkiyə ilə Azərbaycan arasındakı qardaşlıq bağı da 'bir millət, iki dövlət' anlayışı ilə hər keçən gün daha da möhkəmlənir".
O, şəhidləri rəhmət və ehtiramla, qaziləri isə şükranla yad edib.
