Deputat Pərvanə Vəliyeva Oxu.Az-a açıqlamasında bildirib ki, Ermənistan Konstitusiyası dəyişmədən sülh sazişi imzalana bilməz.
O qeyd edib ki, Azərbaycan 2020-ci ildən sonra sülh gündəliyinin təşəbbüskarı olub, ilk sülh layihəsini təqdim edib və danışıqları irəlilədib.
2025-ci ilin avqustunda Vaşinqtonda ABŞ Prezidenti Trampın iştirakı ilə Birgə Bəyannamə imzalanıb. Xarici işlər nazirləri sülh sazişini paraflayıblar.
Deputat vurğulayıb ki, normallaşma üçün Ermənistan Konstitusiyasındakı ərazi iddiaları aradan qaldırılmalıdır.
O, həmçinin Azərbaycanın sülh prosesinə sadiq qaldığını və Ermənistandan da eyni məsuliyyəti gözlədiyini bildirib.
