Hərbi qulluqçular artıq şəxsi jetonla təmin ediləcək.
Prezident İlham Əliyev "Hərbi xidmətkeçmə haqqında" Əsasnamənin təsdiq edilməsi barədə və "Hərbi vəzifə və hərbi xidmət haqqında" qanunlara dəyişiklikləri imzalayıb.
Sənədə əsasən, jetonlar hərbi xidmət keçdikləri dövlət orqanları tərəfindən veriləcək. Qanunvericiliyə "şəxsi jeton" anlayışı və onun istifadə qaydaları əlavə edilib.
Həmçinin, çağırışaqədərki hazırlıqla bağlı yeni maddə qanuna daxil edilib. Nazirlər Kabineti iki ay ərzində gənclərin çağırışaqədərki hazırlığı haqqında əsasnaməni, altı ay ərzində isə jetonların təsviri, xüsusiyyətləri və uçot qaydasını hazırlayaraq Prezidentə təqdim etməlidir.
