Prezidentin Ağdam, Füzuli və Xocavənd üzrə xüsusi nümayəndəsi Emin Hüseynov Böyük Qayıdış proqramı çərçivəsində görülən işləri açıqlayıb.
WUF13 çərçivəsində Azərbaycan pavilyonunda keçirilən tədbirdə o bildirib ki, hazırda Ağdamda 72, Füzulidə 60, Cəbrayılda isə 83 yaşayış məntəqəsi mövcuddur.
Proqram çərçivəsində 11 yaşayış məhəlləsi, 25 min mənzil və 18 864 fərdi yaşayış evi inşa olunub. İnsanlar artıq bu evlərdə yaşayır, infrastruktur fəaliyyət göstərir.
593.7 km uzunluğunda 16 avtomobil yolu, Bərdədən Ağdama dəmir yolu çəkilib. İlk dəfə dəmir yolu vağzalı ilə avtovağzalın birləşdiyi kompleks inşa olunub.
Beynəlxalq hava limanı mina çirklənmiş ərazidə cəmi 8 aya tikilib. 10 yarımstansiya, 2 su kanalı, 5 su qurğusu və 4 qaz kəməri istifadəyə verilib.
