Son beş ildə Ağdamın 60%-i, Füzulinin 70-80%-i və Cəbrayılın 60%-i minalardan təmizlənib.
Bunu Azərbaycan Prezidentinin Ağdam, Füzuli və Xocavənd rayonları üzrə xüsusi nümayəndəsi Emin Hüseynov WUF13 çərçivəsində deyib.
O bildirib ki, mina problemi bölgədə uzun müddət davam edəcək fundamental problemdir.
“Yaxın gələcəkdə tam aradan qalxacağına dair illüziyamız yoxdur. Biz minalarla yaşamağı və mübarizə aparmağı öyrənməliyik”, - deyə Hüseynov qeyd edib.












