BMT-nin Şəhərsalma Forumunda iştirak üçün Azərbaycanda səfərdə olan Esvatini Kralı III Msvatininin rəhbərlik etdiyi nümayəndə heyəti "ASAN xidmət" mərkəzinin fəaliyyəti ilə tanış olub.
Dövlət Agentliyinin sədri Ülvi Mehdiyev qonağa Prezident İlham Əliyevin təşəbbüsü ilə yaradılan "ASAN xidmət" və innovasiya layihələri haqqında məlumat verib.
Qonağa "ASAN xidmət"də tətbiq olunan texnoloji həllər təqdim edilib və ASAN-ın intellektual məhsul kimi 30-dan çox ölkəyə ixracı vurğulanıb.
Agentlik ilə Esvatini arasında dövlət xidmətləri sahəsində əməkdaşlıq Memorandumu imzalanıb. Sənəd "ASAN xidmət" təcrübəsinin Esvatinidə tətbiqini nəzərdə tutur.
Kral ölkəsində qısa müddətdə modelin tətbiqi üçün tapşırıq verib. Qonaqlar həmçinin "INNOLAND", Səyyar ASAN, "ABAD" və "Bilim Bakı" mərkəzləri ilə tanış olublar.
