Fransanın illərlə davam edən müstəmləkəçilik siyasətinin ən ağır nəticələrindən biri xlordekon qalmaqalı olub. Rəsmi Parisin dənizaşırı ərazilərdə yaratdığı bu fəsadların aradan qaldırılması üçün ilk addımlar atılır.
Emmanuel Makron ictimaiyyət qarşısında dövlətin məsuliyyətini etiraf edib. 2022-ci ildə Paris məhkəməsi də bunu təsdiqləyib. Lakin minlərlə insanın zəhərlənməsinə səbəb olan bu hadisəyə görə heç kim hüquqi məsuliyyətə cəlb olunmayıb.
Bakı Təşəbbüs Qrupunun icraçı direktoru Baku TV-yə bildirib ki, 2024-cü ildən məsələ beynəlxalq platformalarda gündəmə gətirilib: “Broşürlər nəşr olundu, COP29 ərəfəsində konfranslar keçirildi. Nəticədə, Fransa parlamenti yeni qanun qəbul etdi.”
2025-ci ildə Fransa məhkəməsi məhdud sayda zərərçəkənə kompensasiya ödənilməsi barədə qərar çıxarıb. Lakin beynəlxalq ictimaiyyət bu addımı kifayət saymır.
