Azərbaycanda səfərdə olan Həştərxan vilayətinin vitse-qubernatoru Denis Afanasyevin başçılıq etdiyi nümayəndə heyəti iyunun 25-də Fəxri xiyabanı ziyarət edib.
Heyət əvvəlcə ümummilli lider Heydər Əliyevin xatirəsini ehtiramla anıb, məzarı önünə əklil qoyub.
Sonra akademik Zərifə xanım Əliyevanın xatirəsi yad edilib, məzarı üzərinə tər güllər düzülüb.
Dövlət xadimi Əziz Əliyevin və professor Tamerlan Əliyevin də xatirələri yad edilib, məzarları üstünə gül dəstələri qoyulub.
Həştərxan nümayəndə heyəti həmçinin Xalq artisti Müslüm Maqomayevin məzarını ziyarət edib, güllər qoyub.
