Azərbaycan beynəlxalq tədbirlərin keçirildiyi bir məkandır. Bu sözləri Prezident Administrasiyasının Xarici siyasət məsələləri şöbəsinin müdiri Hikmət Hacıyev bildirib.
O, Bakıda keçirilən Ümumdünya Şəhərsalma Forumunun 13-cü sessiyası (WUF13) çərçivəsində jurnalistlərə açıqlamasında deyib: "Azərbaycan WUF13-ə də COP29-da olduğu kimi uğurla ev sahibliyi edir".
"Bu kimi tədbirlərin keçirilməsi üçün hər ölkədə bizdə olduğu kimi şərait yoxdur. Buna təhlükəsizlik məsələləri, müharibələr səbəb göstərilə bilər", - deyə o əlavə edib.
