Prezidentin köməkçisi Hikmət Hacıyev WUF13-ü işıqlandıran media nümayəndələrinə təşəkkür edib.
O, jurnalistlərlə söhbətində bildirib: "Çox ağır və zəhmətli bir iş idi. Hər gün erkən saatlardan axşama qədər aktiv fəaliyyət göstərirdiniz."
Hacıyev əlavə edib: "Bundan sonra şəhər çərçivəsində də fəaliyyət göstərərək reportajları operativ şəkildə təqdim edirdiniz."
O, bütün media rəhbərlərinə və həmkarlara təşəkkürünü bildirib, xüsusilə də jurnalistlərə, operatorlara və fotoqraflara minnətdarlığını ifadə edib.
"Mediamızın getdikcə cavanlaşması sevindirici haldır", - deyə Hikmət Hacıyev qeyd edib.
