Bakı TV-nin "Aktual Gündəm" verilişinin son buraxılışında Ermənistanda keçirilən "Avropa Siyasi Birliyi"nin 8-ci Zirvə toplantısı müzakirə edilib. Deputat Sahib Alıyev, Vüqar İskəndərov və politoloq Yeganə Hacıyeva bu görüşün region üçün nə vəd etdiyini şərh ediblər.
İrəvan sammiti Avropa İttifaqının Cənubi Qafqazda təsirini artırmaq cəhdi kimi qiymətləndirilir. Lakin sual doğur: bu, həqiqətən sülh gətirəcək, yoxsa yeni gərginlik mənbəyinə çevriləcək?
Ermənistanın təhlükəsizlik arxitekturası Qərbə yönəlir. Avropa İttifaqının missiyası ölkədə sülhün təminatı kimi təqdim edilsə də, bəzi ekspertlər bunu yeni təhdid modeli adlandırır. Xüsusilə, Rusiya ilə münasibətlərin fonunda bu addım geosiyasi balansı dəyişə bilər.
Müzakirə zamanı vurğulanıb ki, qarşıdan gələn seçkilərə Qərb dəstəyi Ermənistanın daxili siyasətinə birbaşa təsir göstərəcək. Bu, həm ölkə daxilində, həm də regionda yeni reallıqlar yaradacaq.
Ətraflı məlumat üçün Avropa Siyasi Birliyi, İrəvan Sammiti, Ermənistan səhifələrimizə baxa bilərsiniz.
