"Vindzor Kral Atçılıq Şousu" Böyük Britaniyada uğurla başa çatıb. Tədbirdə Azərbaycan nümayəndə heyəti Kral III Çarlza dəyərli hədiyyələr təqdim edib.
Dövlət Sərhəd Xidmətinin məlumatına görə, Azərbaycan Prezidenti İlham Əliyevin diqqəti və Heydər Əliyev Fondunun dəstəyi ilə Qarabağ atlarının təbliği davam edir.
2012-ci ildən Azərbaycanın qatıldığı şouda hər il unikal performanslar nümayiş olunur. Bu il də süvarilər dəstəsi və "Sərhədçi" rəqs ansamblı böyük maraq qazanıb.
Kral III Çarlza Şirvan xalçası və "Dilbaz atı üzərində Azərbaycan döyüşçüsü" heykəli hədiyyə edilib. Həmçinin, "Land of Fire - Azerbaijan" polo komandası "Guards" komandası ilə dostluq görüşündə 7-5 hesabı ilə qalib gəlib.
