Azərbaycan Prezidenti İlham Əliyev mayın 19-da Belarus Milli Assambleyası Nümayəndələr Palatasının sədri İqor Sergeyenkonu qəbul edib.
Dövlət başçısı Belarusun Bakıda keçirilən Ümumdünya Şəhərsalma Forumunun 13-cü Sessiyasında (WUF13) yüksəksəviyyəli nümayəndə heyəti ilə iştirak etdiyini bildirib.
Sıx dostluğa əsaslanan Azərbaycan-Belarus münasibətlərinin inkişafından məmnunluğunu ifadə edən İlham Əliyev bütün sahələr üzrə fəal əməkdaşlığın həyata keçirildiyini vurğulayıb. Parlamentlərarası formatın əhəmiyyəti qeyd olunub.
İqor Sergeyenko Belarus Prezidenti Aleksandr Lukaşenkonun salamlarını çatdırıb. Prezident İlham Əliyev təşəkkür edib və salamlarının Lukaşenkoya çatdırılmasını xahiş edib.
Görüşdə iqtisadi əməkdaşlıq, birgə layihələr və gələcək perspektivlər müzakirə edilib. WUF13-ün yüksək təşkilatçılığı təqdir edilib.
