Prezident İlham Əliyev kənd təsərrüfatı müşavirəsində may ayında Bakıda düşən güclü yağışları şərh edib.
"May ayında Bakıda belə yağışın yağmasını xatırlamıram. Məndən yaşlılar da yəqin ki, xatırlamır", - deyə dövlət başçısı bildirib.
O qeyd edib ki, yağış bəzən fəsadlar törətsə də, su ehtiyatlarını artırır və kənd təsərrüfatı üçün faydalıdır.
Prezident torpaqlardan səmərəli istifadə, məhsuldarlıq və rayonlaşma məsələlərinə toxunub.
"Torpaqların dəqiq analizi aparılmalı, hansı sahədə hansı məhsulun yetişdirilməsi müəyyənləşdirilməlidir", - deyə o vurğulayıb.
İlham Əliyev müasir texnologiyaların, süni intellektin və peyk imkanlarının tətbiqinin vacibliyini qeyd edib.
"Hər bir əkin üçün yararlı torpaq sahəsinin öz pasportu olmalıdır", - deyə prezident çıxışını yekunlaşdırıb.
