Bakı Enerji Həftəsi çərçivəsində iyunun 2-də ilk Azərbaycan-ABŞ İqtisadi Dialoqu keçiriləcək. Tədbir İqtisadiyyat Nazirliyi və ABŞ Dövlət Departamentinin birgə təşkilatçılığı ilə baş tutacaq.
Dialoq çərçivəsində regional bağlantılar, ticarət, sənaye, investisiyalar, enerji təhlükəsizliyi, tranzit, süni intellekt və rəqəmsal infrastruktur məsələləri müzakirə olunacaq.
Hər iki ölkənin biznes dairələrinin iştirakı ilə xüsusi sessiyalar təşkil ediləcək və əməkdaşlığa dair sənədlər imzalanacaq.
