BMT-nin Azərbaycandakı müvəqqəti rezident-əlaqələndiricisi İqor Qarafuliç işğaldan azad edilmiş ərazilərdə yenidənqurma işlərinin yüksək keyfiyyətini vurğulayıb.
O, "Bakı Şəhərsalma Həftəsi" çərçivəsindəki beynəlxalq konfransda çıxışı zamanı bildirib ki, hər bir addım düşünülüb və icra keyfiyyəti olduqca yüksəkdir.
Qarafuliç diplomatik korpusla birgə işğaldan azad olunmuş ərazilərə səfər etdiyini xatırladıb. O, həmçinin WUF13-ə 32 mindən çox şəxsin qeydiyyatdan keçdiyini və bu tədbirin müzakirə məkanı kimi əhəmiyyətini vurğulayıb.
