İranın Azərbaycandakı keçmiş səfiri Seyid Abbas Musəvi Zəngəzur dəhlizi ilə bağlı qalmaqallı açıqlamalar verib.
O, SNN telekanalına müsahibəsində İranın regionda sərhədlərin dəyişdirilməsini qəbul etmədiyini bildirib.
"Qafqaz bizim evimizdir" deyən Musəvi bölgənin İran üçün xüsusi əhəmiyyət daşıdığını vurğulayıb.
Keçmiş səfir Zəngəzur dəhlizi müzakirələrində Ermənistan və ABŞ-nin fəal, Azərbaycanın isə kənarda qaldığını iddia edib.
O, marşrutun "Tramp marşrutu" adlandırılmasına istehza edib: "Tramp getdiyi hər yerə öz adını verir".
Musəvi İran-Ermənistan münasibətlərini müsbət qiymətləndirib, ABŞ şirkətlərinin İran sərhədi yaxınlığında fəaliyyətini qəbuledilməz adlandırıb.
