Keniya Prezidenti Uilyam Ruto Bakıda keçirilən WUF13-də Azərbaycan Prezidenti İlham Əliyevə təşəkkür edib.
Ruto bildirib ki, 2002-ci ildə Nayrobidə ilk Dünya Şəhərlər Forumu keçirildi, keçən ay Afrika Şəhərlər Forumuna ev sahibliyi etdilər, indi isə Bakıda Ümumdünya Şəhərsalma Forumunun 13-cü Sessiyası toplanıb.
“Bizə göstərilən isti qarşılanma və qonaqpərvərliyə görə Azərbaycan Prezidenti İlham Əliyevə minnətdarlığımı bildirirəm”, - deyə o qeyd edib.
Ruto vurğulayıb ki, dünyada təxminən 3 milyard insan qeyri-kafi mənzil şəraitində yaşayır, 1 milyard gecəqondularda, 300 milyon insanın isə evi yoxdur. “Bu rəqəmlər arxasında insanlar, ailələr, uşaqlar var”, - deyə o əlavə edib.
