Heydər Əliyev Fondunun vitse-prezidenti Leyla Əliyeva Şəki şəhər İncəsənət Məktəbinin yeni binası ilə tanış olub.
AZƏRTAC-a istinadən xəbər verilir ki, Leyla Əliyevaya məktəb barədə ətraflı məlumat verilib.
1938-ci ildə tikilən köhnə bina yararsız hala düşdüyündən, Heydər Əliyev Fondu tərəfindən yeni məktəb binası inşa edilib.
İki korpusdan ibarət olan məktəb 430 şagird yerlikdir. O, zəruri mebel, avadanlıq və əyani vəsaitlərlə təchiz edilib.
Burada musiqi, nəzəriyyə, xor, fotoqrafiya, rəssamlıq, heykəltaraşlıq, dizayn otaqları, xoreoqrafiya və akt zalları, kitabxana, yeməkxana var. Həyətyanı ərazidə abadlıq işləri aparılıb, ağaclar əkilib, müasir işıqlandırma quraşdırılıb.
