Fransa prezidenti Emmanuel Makron, qlobal ticarət balanssızlığını həll etmək üçün Çini G7 sammitinə dəvət etməyi planlaşdırır.
"Politico" nəşrinin məlumatına görə, Makron G7 ölkələri və Çin arasında videomüzakirə təşkil etmək qərarına gəlib. Onlayn görüşün gələn həftəki G7 sammitindən əvvəl, cümə axşamı keçirilməsi gözlənilir.
Qeyd edək ki, G7-yə ABŞ, Böyük Britaniya, Fransa, Almaniya, İtaliya, Kanada və Yaponiya daxildir.
Xatırladaq ki, bir müddət əvvəl Çin hökuməti "Avropada istehsal olunub" qanununun şirkətlərinə zərər verəcəyi təqdirdə Aİ-ni cavab tədbirləri ilə hədələmişdi. Çin rəsmiləri bu sənədin sərmayələr üçün əngəl yaratdığını və ayrı-seçkilik etdiyini bildiriblər.
