Maqsud İbrahimbəyov Yaradıcılıq Mərkəzində uşaqlar üçün xeyriyyə musiqi ustad dərsi keçirilib.
Tədbir bəstəkar və pianoçu Sevda Rəhimovanın iştirakı ilə "Qüsursuz Nitq" Nitq və Psixologiya İnkişafı Mərkəzi tərəfindən təşkil olunub.
Oxu.Az AZƏRTAC-a istinadən xəbər verir ki, tədbirdə Alyona Əliyeva da iştirak edib.
Ustad dərsi çərçivəsində gənc iştirakçılar musiqi, səs və ritm dünyası ilə tanış olub, müxtəlif alətlər haqqında məlumat əldə ediblər.
"Ümidlə gəl" xeyriyyə layihəsinin rəhbəri Hacı Quliyev çıxışında Heydər Əliyev Fondu və Leyla Əliyevanın sağlamlıq imkanları məhdud uşaqlara dəstəyini vurğulayıb.
O, bu layihələrin uşaqların inkişafı və yaradıcı potensialının üzə çıxarılması üçün mühüm olduğunu bildirib.
H.Quliyev Leyla Əliyevaya daimi diqqət və qayğıya görə təşəkkür edib.
Sevda Rəhimovanın rəhbərliyi ilə uşaqlar yaradıcı atmosferdə yeni biliklər əldə ediblər.
Proqramda Rəşid Behbudov adına 2 nömrəli Bakı Musiqi Məktəbinin şagirdləri də çıxış ediblər.
