Meksikanın aqrar, ərazi və şəhərsalma inkişafı naziri Edna Elena Veqa WUF13-də iştirak edərkən Oxu.Az-a müsahibə verib.
O bildirib ki, ölkələrin vəziyyətləri fərqli olsa da, hamını birləşdirən ortaq məqsəd var: ən həssas əhali qruplarının mənzil təminatı ilə bağlı daha güclü təkliflər hazırlamaq.
Nazir vurğulayıb ki, qısamüddətli təşəbbüslər əvəzinə problemlərin fundamental həllinə nail olmaq lazımdır. Aydın siyasi iradə və müxtəlif maliyyə mexanizmləri xüsusi əhəmiyyət kəsb edir.
Bakını qısa müddətdə görməsinə baxmayaraq, Veqa şəhərin planlı quruluşu və memarlıq gözəlliyindən təsirlənib: "Bakı çox gözəl şəhərdir. Yağışlı havaya baxmayaraq, insanların qonaqpərvərliyi gözləntilərimi üstələdi. Azərbaycan xalqının münasibəti hər ölkədə rast gəlinən xüsusiyyət deyil".
Nazir iqlimlə bağlı məsələlərin vacibliyini də vurğulayıb.
