Moldovanın 'Noi.md' xəbər portalı Bakıda keçirilən Ümumdünya Şəhərsalma Forumunun 13-cü Sessiyasının (WUF13) rəsmi açılış mərasimi haqqında geniş məqalə dərc edib.
Oxu.Az AZƏRTAC-a istinadən bildirir ki, məqalədə Azərbaycan Prezidenti İlham Əliyevin və birinci xanım Mehriban Əliyevanın iştirakı ilə keçirilən açılış mərasimi və WUF13-ün əhəmiyyəti vurğulanıb. Yazıda Prezidentin çıxışından sitatlar yer alıb.
Məqalədə İlham Əliyevin şəhərsalma sahəsində sürətli inkişaf, Bakı, Gəncə, Şamaxı və digər şəhərlərin tərəqqisi, Qarabağ və Şərqi Zəngəzurun bərpası, 'Böyük Qayıdış' proqramı ilə bağlı fikirlərinə xüsusi diqqət yetirilib.
Prezident vurğulayıb ki, forumda qeydiyyatdan keçən iştirakçıların sayı rekord həddə çatıb – 182 ölkədən 45 mindən çox iştirakçı qeydiyyatdan keçib. Bu, COP29-dan sonra Azərbaycanda keçirilən ikinci ən böyük beynəlxalq tədbirdir. Azərbaycan Avropa ilə Asiya arasında yerləşir və hər zaman Şərqlə Qərbin qovuşduğu məkan olub.
