Azərbaycan Respublikasının Əmək Məcəlləsində və "Narkoloji xidmət və nəzarət haqqında" Qanunda dəyişiklik edilib.
Prezident İlham Əliyev müvafiq qanunu imzalayıb. Dəyişikliklə narkoloji xəstələrin fəaliyyətinə məhdudiyyət qoyulan işlərə qəbul qaydaları sərtləşdirilib.
Artıq işə qəbul zamanı narkoloji xəstələr dövlət narkoloji tibb müəssisəsindən tibbi rəy təqdim etməlidir.
Əmək Məcəlləsinin 74-cü maddəsindəki peşələr üzrə narkoloji xəstə olan şəxsin işə qəbul edildiyi aşkarlandıqda, əmək müqaviləsinə xitam veriləcək.
